KATRESNAN BAPAK LAN IBU
Bapak, ibu.....
Pangorbananmu,
Ora pedhot kairing lakune wektu
Katresnanmu,
Awujud cahyaning lintang rembulan kang gumebyar ing langit biru
Tanpa panjenengan, bapak lan ibu
Krasa luwih abot anggonku mlaku
Anggonku ngadephi dina-dina ing uripku
Anggonku kulak ngelmu kanggo nggayuh pangimpenku
Nalika ana tumindakku kang luput
Panjenengan tansah paring pangemut
Supaya uripku ora kalang kabut
Supaya bisa dadi tuladha becik lan bisa dianut
Matur nuwun Bapak Ibu
Mugi-mugi Gusti mbales kabeh kabecikanmu
Lan aku bisa dadi kaya apa kang dadi pangimpenmu
Tansah agawe aruming asmamu
Kairing dongamu
Aku tansah nyuwun pangestu
Supaya bisa mbales budi mring sliramu
Lan bisa kacekel apa kang dadi pangimpenku